बैतडी :बैतडीमा जिप दुर्घटना भएको छ। जिल्लाको देहीमाण्डौं–गिरेगडा सडकको दशरथचन्द नगरपालिका वडा नम्बर ९ सैनखान नजिकै से १ ज २१३९ नम्बरको जिप शनिबार बिहान दुर्घटना भएको हो।
जिल्ला प्रहरी कार्यालयका प्रवक्ता प्रहरी निरीक्षक लोकराज जोशीका अनुसार कुखुरा पुर्याएर देहीमाण्डौं तर्फ फर्किएको जिप दुर्घटना भएको जनाएको छ । जिपमा चालक ४२ बर्षीय मोहनसिंह बोहरा मात्रै रहेका र उनी सकुशल छन्। जिप सडकबाट २० मिटर तल खसेको छ ।
