थप केही पीडा तिम्रा पनि म पचाउन सक्छु
कमिलो हुँ ओजन भन्दा बढी उठाउन सक्छु
म बिग्रेर घडी हुँ भित्तामा झुन्ड्याएर राखेको
दिनमा दुई पटक सही समय बताउन सक्छु
मलाई मानसिक अस्पताल लगियो त के भो
कापीमा अझै उनको तस्वीर बनाउन सक्छु
चप्पलको तुना चुडिएको हो मेरो खुट्टा होइन जिन्दगीलाई अझै केही कोश हिडाउन सक्छु
म त्यहीँ ज्यामिति हुँ तिम्ले बिगारेर छोडेको
अब न उत्तर भन्न सक्छु न सुल्झाउन सक्छु
गीता स्मृति कठायत,अध्यक्ष डोटेली साहित्य प्रतिष्ठान डोटी