१९ मंसिर २०७९, सोमबार

फेसबुकद्वारा अस्ट्रेलियामा समाचारमाथि प्रतिबन्ध

६ फाल्गुन २०७७, बिहीबार
फेसबुकद्वारा अस्ट्रेलियामा समाचारमाथि प्रतिबन्ध

काठमाडौँ । फेसबुकले अस्ट्रेलियामा समाचारमाथि प्रतिबन्ध लगाएको छ । अब अस्ट्रेलियाका फेसबुक प्रयोगकर्ताले समाचारका लिंक नदेख्ने भएका छन् । 

यसका साथै अस्ट्रेलियामा फेसबुकले स्थानीय र अन्तर्राष्ट्रिय समाचार तथा केहि सरकारी वेभसाइटलाई समेत प्रतिबन्ध लगाएको छ । 

अस्ट्रेलियाले नयाँ कानुन बनाएपछि चलिरहेको विवादका बीच फेसबुकले यस्तो कदम चालेको हो । अस्ट्रेलियाले फेसबुक, गुगल लगायतले अस्ट्रेलियाका समाचार प्रयोग गरेबापत पैसा तिर्नु पर्ने कानुन ल्याएको छ । तर फेसबुक र गुगलले भने अस्ट्रेलिया सरकारले ल्याएको कानुनसँग इन्टरनेट कसरी संचालित हुन्छ भन्ने म्याच नभएको बताउदै आएका छन् । 

अस्ट्रेलियाको तल्लो सदनले बुधबार यस्तो कानुन पारित गरेपछि फेसबुकले समाचारसहित केहि सरकारी वेभसाइटलाई प्रतिबन्ध लगाएको छ । विहिबार विहान उठ्नासाथ अस्ट्रेलियामा फेसबुक प्रयोगकर्ताले समाचार र कैयौं सरकारी पेज नखुलेको गुनासो गरेका छन् । 

फेसबुकले एक ब्लगपोष्टमा यस बारेमा जानकारी दिदै दुखका साथ अस्ट्रेलियामा यस्तो कदम चाल्नु परेको बताएको छ ।  फेसबुकले अस्ट्रेलियाका प्रयोगकर्ताले आफ्नो फेजमा ग्लोबल र स्थानीय समाचार समेत पोष्ट गर्न नमिल्ने जनाएको छ ।

साथै अस्ट्रेलियन मिडियाहरुले समेत आफ्नो फेसबुक पेजमा समाचार पोष्ट गर्न नमिल्ने भएको छ । एबिसी, सिड्नी मोर्निंग जस्ता समाचार संस्थाका फेसबुक पेजमा अहिले कुनै पोष्ट देखिएको छैन ।

खबर उज्यालो मिडिया प्रा. लि.

सूचना तथा प्रशारण विभाग दर्ता नं.: ३६३८/०७९–८०
सम्पादक : डि आर पनेरु
धनगढी कैलाली, सुदूरपश्चिम नेपाल
मोबाइल : ९८४८५४५७४७
ईमेल : khabarujyalo97@gmail.com

All Rights Reserved ©KhabarUjyalo