डडेल्धुरा : सत्ता गठबन्धनका दलहरुबीच प्रतिनिधि सभा र प्रदेश सभा निर्वाचनमा सिट बाँडफाँड भएको छ ।
डडेल्धुरामा प्रतिनिधि सभा नेपाली कांग्रेसले पाएको छ भने प्रदेश सभा क मा नेकपा माओवादी केन्द्र र प्रदेश ख मा नेपाली कांग्रेसले पाएको छ ।
प्रतिनिधि सभामा प्रधानमन्त्री तथा नेपाली कांग्रेसका सभापति शेरबहादुर देउवा उम्मेदवारी दिने भएका छन् । प्रदेश सभा क मा माओवादीले खगराज भट्टलाई सिफारिस गरेको छ । भने प्रदेश सभा ख मा नेपाली काङ्ग्रेसले सुदूरपश्चिम प्रदेशका सामाजिक विकास मन्त्री गोबिन्द बोहोरालाई सिफारिस गरेको छ ।
नेकपा एकीकृत समाजवादीका केन्द्रीय सदस्य तथा केन्द्रिय बिभाग प्रमुख नेता तारा जोशीले दाबी गरेपनी अन्तिम बोहरा दिने सहमति भएको छ ।
आजै एमालेले नेपाली कांग्रेस विपिबाट उम्मेदवार कर्ण मल्ललाई समर्थन गर्ने निर्णय गरेको छ । प्रदेश क मा पठान सिंह बोहारा र ख गजेन्द्र शाहीलाई उम्मेदवार बनाउने निर्णय गरेको छ ।
