धनगढी : रवि ओड र समिक्षा अधिकारीको स्वरमा नयाँ गीत ‘पाउडर किरीममा’ सार्वजनिक भएको छ ।
गीत ‘आफ्नो मन’ नामक युट्युब च्यानलमार्फत सार्वजनिक गरिएको छ ।
पछिल्लो समय निकै व्यस्त रवि र समिक्षाले स्वर दिएको यो गीतमा नायक तथा मोडल पुष्प खड्का, प्रियना आचार्य, सम्झना खत्रीको अभिनय छ । गीतमा स्वयम् गायक रविले पनि अभिनय गरेका छन् ।
शब्द/संगीत कृष्ण केसीको रहेको यो गीतलाई अनिल केसीले एरेन्ज र एचबीएन किश्मतले मिक्सिङ/मास्टरिङ गरेका हुन् ।
‘पाउडर किरीममा’को भिडियोलाई मौसम हिमालीले निर्देशन र कोरियोग्राफी गर्दा विकास ज्ञवालीले सम्पादन गरेका हुन् ।
