५ असार २०७८, शनिबार

‘अनुमान लगाउनुहोस् म कहाँ प्रस्थान गर्दैछु ?’ सन्दीपको प्रश्न

१५ फाल्गुन २०७७, शनिबार
‘अनुमान लगाउनुहोस् म कहाँ प्रस्थान गर्दैछु ?’ सन्दीपको प्रश्न

काठमाडौं । नेपाली क्रिकेटर सन्दीप लामिछानेले पाकिस्तान सुपर लिग (पिएसएल) खेल्ने भएका छन् । सन्दीप पुरानै टोली लाहोर कलन्दर्सबाट प्रतियोगिताको बाँकी खेल खेल्न आज पाकिस्तान प्रस्थान गरेका हुन् ।

सन्दीपले केहीबेरअघि मात्रै पाकिस्तानका लागि आफू उड्न लागेको संकेत गर्दै सामाजिक सञ्जालहरुमा तस्बिर पोस्ट गरेका छन् । उनले आफू कहाँ जान लागेको भन्ने लेखेका छैनन् । बरु ती छुट्याउने जिम्मेवारी आफ्ना शुभचिन्तकहरुलाई दिएका छन् ।

EvNTqIgVEAARweB.jpg

‘अनुमान लगाउनुहोस् म कहाँ प्रस्थान गर्दैछु ?’, सन्दीपले काठमाडौंस्थित त्रिभुवन अन्तराष्ट्रिय विमानस्थलको तस्बिर शेयर गर्दै अंग्रेजीमा लेखेका छन् । समर्थकहरुले पाकिस्तान जान लागेको उत्तर दिँदै उनलाई राम्रो पदर्शनका लागि शुभकामना पनि दिएका छन् ।

सन्दीपका व्यवस्थापन रमण शिवाकोटीका अनुसार शुक्रबार साँझ मात्रै सन्दीपको पिएसएलमा सम्झौता पक्का भएको थियो । लाहोरका स्पिनर राशिद खान अन्तर्राष्ट्रिय ड्युटीमा अफगानिस्तान जानु परेपछि लाहोरले सन्दीपलाई भित्र्याएको हो ।

सन्दीप शनिबार कतार एअरवेजमार्फत दोहा हुँदै प्रतियोगिता स्थल कराँची पुग्ने बताइएको छ ।

  •  
  •  
  •  
  •  
  •  
  •  
सुदुरपश्चिम प्रदेश धनगढी, कैलाली
९८४८५४५७४७
khabaruyalo97@gmail.com

खबर उज्यालो टिम

सम्पादक

डि आर पनेरू

समाचार पोर्टल खबर उज्यालोमा राजनिती,समाज अर्थतन्त्र,मनोरञ्जन/कला,खेल, बिचार,अन्तरास्ट्रिय, भिडियो समावेश गरिएको छ । तपाईको गाउँ समाज,कार्यालय तथा सार्वजनिक निकायमा भईरहेका विभिन्न गतिविधि तथा सूचना भए हामीलाई सम्झनु होस् । हामी ती सूचनालाई प्राथमिकता दिएर बनाउने छौँ समाचार र सम्पुर्ण पाठक वर्गमा पुर्याउन चाहन्छौं ।

All Rights Reserved ©KhabarUjyalo