काठमाडौँ । प्रमुख प्रतिपक्षी नेकपा एमालेका अध्यक्ष केपी शर्मा ओलीले आगामी निर्वाचनपछि नेकपा एमालेको सरकार बनेन भने देश झन् बर्बादीतर्फ जाने चेतावनी दिएका छन् ।
शनिबार झापामा आयोजित एक कार्यक्रममा बोल्दै अध्यक्ष ओलीले चेतावनी दिएका हुन् । गठबन्धनको सरकार बनेको एक वर्षमा देश तहसनहस भएको समेत बताए ।
सत्ता गठबन्धनकै सरकारका कारण बेतिथि उत्कर्षमा पुगेको ओलीले बताए । अध्यक्ष ओलीले परमादेशबाट बनेको सरकारले जनादेश प्राप्त गरेर फेरि पनि अहिले सरकारमा भएका दलहरूको सरकार बन्यो भने ‘त्यो सरकारले मान्छे कुट्दै हिँड्ने’ दाबी गरे ।
