काठमाडौं । नेपाली कांग्रेसले आगामी असार ५ गते गाउँ तथा नगरपालिकाका वडाहरुमा अधिवेशन गर्ने भएको छ । कांग्रेस केन्द्रीय कार्यसमिति बैठकले आगामी असार ५ गते गाउँपालिका र नगरपालिकाका वडाहरुमा अधिवेशन गर्ने निर्णय गरेको हो ।
बैठकले आगामी असार ७ गते गाउँपालिका र नगरपालिकाको अधिवेशन र आगामी साउन १ गते प्रदेश सभा क्षेत्रीय अधिवेशन गर्ने निर्णय गरेको मुख्य सचिव कृष्णप्रसाद पौडेलले जानकारी दिए ।
एकमात्र प्रतिनिधि सभा निर्वाचन क्षेत्र भएको जिल्लामा आगामी साउन ३ गते अधिवेशन हुने भएको छ । यस्तै एकभन्दा बढी प्रतिनिधि सभा निर्वाचन क्षेत्र भएका जिल्ला अधिवेशनहरुमा भने आगामी साउन ६ गते अधिवेशन हुने छ ।
कांग्रेसले प्रदेश अधिवेशन आगामी साउन १०–११ गते र केन्द्रीय महाधिवेशन आगामी भदौ ७–१० काठमाडौंमा गर्ने निर्णय गरेको छ ।
