काठमाडौं । भोजपुरको तिवारी भञ्ज्याङमा आयोजित वाम–लोकतान्त्रिक गठबन्धनको चुनावी सभामा बम विस्फोट भएको छ ।
कार्यक्रममा आएको भोजपुर अरुण गाउँपालिका घर भएका सुमल श्रेष्ठले बोकेको झोलामा भएको बम विस्फोट भएको हो । प्रहरीले ति युवालाई पक्राउ गरेको छ ।
विष्फोटका कारण सुमलको खुट्टामा चोट लागेको छ भने एक महिला सामान्य घाइते भएका छन् ।
उक्त कार्यक्रमलाई सम्बोधन गर्न नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेपाली कांग्रेसका प्रवक्ता प्रकाशशरण महत सम्बोधन गर्न जाँदैछन् । प्रचण्ड र महत कार्यक्रमस्थल भने पुगिसकेका छैनन् ।
बम विस्फोटको घटनाबारे बाँकी विवरण आउन बाँकी छ ।
