धनगढी । प्रधानमन्त्री एवं नेपाली कांग्रेसका सभापति शेरबहादुर देउवा आज बुधबार गृह जिल्ला डडेल्धुरा जाँदैछन् । देउवाले आज बिहान अजयमेरु गाउँपालिकाको देवल पार्कमा आयोजना हुने चुनावी सभालाई सम्बोधन गर्ने कार्यक्रम रहेको छ ।
यस्तै आज नै बैतडीमा हुने चुनावी सभालाई सम्बोधन गर्ने कार्यक्रम पनि रहेको नेपाली कांग्रेस डडेल्धुराले जनाएको छ । ४ मंसिरमा हुने प्रतिनिधिसभा र प्रदेशसभा चुनावका लागि देउवा देश दौडाहामा छन् । भोलिरातीबाट चुनावी सभा गर्न रोक लाग्नेछ ।
