KhabarUjyalo

आन्दोलनरत राहत शिक्षकसँग कांग्रेसले वार्ता गर्ने

९ आश्विन २०८०, मंगलवार
आन्दोलनरत राहत शिक्षकसँग कांग्रेसले वार्ता गर्ने

काठमाडौँ । काठमाडौँमा आन्दोलनरत राहतका शिक्षकहरूसँग आज नेपाली कांग्रेसले वार्ता गर्ने भएको छ ।

सरकारले ल्याएको विद्यालय शिक्षा विधेयकको विरोधमा सडकमा उत्रिएका नेपाल शिक्षक महासंघले सरकारसँग गरेको सहमति प्रति असन्तुष्ट जनाउँदै आन्दोलनरत राहत शिक्षकहरूसँग कांग्रेसले वार्ता गर्न लागेको हो ।

वार्ताका लागि कांग्रेसले शिक्षकहरूलाई सानेपास्थित केन्द्रिय कार्यालयमा बोलाएको छ ।

विधेयकविरुद्ध गत असोज ३ गतेदेखि आन्दोलन गर्दै आएका शिक्षक महासङ्घको नेतृत्व र सरकारबीच असोज ५ गते सहमति भएको थियो । सहमतिसँगै शिक्षक महासंघले आन्दोलन स्थगित गरेका थिए । तर उक्त सहमतिमा असन्तुष्ट जनाउँदै राहतका शिक्षकहरूले भने काठमाडौंमा आन्दोलनलाई निरन्तरता दिँदै आएका छन् ।

खबर उज्यालो मिडिया प्रा. लि.

सूचना तथा प्रशारण विभाग दर्ता नं.: ३६३८/०७९–८०
सम्पादक : डि आर पनेरु
धनगढी कैलाली, सुदूरपश्चिम नेपाल
मोबाइल : ९८४८५४५७४७
ईमेल : khabarujyalo97@gmail.com

All Rights Reserved © Khabar Ujyalo