धनगढी : सुदूरपश्चिमको पर्यटन प्रवर्द्धनमा लागेका साइकल यात्री भरतविक्रम शाहले डोटीको शिखर नगरपालिकाभित्रका धार्मिक तथा पर्यटकिय क्षेत्रलाई समेटिएर बनाइएको वृत्तचित्र सार्वजनिक गरेका छन् ।
प्रचारप्रसारमा नहुदा ओझेलमा परेका धार्मीक एवं पर्यटकिय क्षेत्रको प्रवर्द्धन गने उदेश्यले पर्यटकीय तथा धार्मिक क्षेत्रका वृत्तचित्र बनाउने गरेको शाहले बताए। धार्मिक प्रचलनहरु र कथाहरु संकलन गरेर विभिन्न स्थानको बृत्तचित्र बनाउने क्रममा शिखर नगरपालिका डोटीको १-२ वडामा पर्ने धार्मिक क्षेत्र, सेती नदी, भागेश्वरको मन्दिर, सालमुनि, म्याङ्गो रिसोर्ट, ७०० वर्ष पूरानो पीपल, मुडेगाउँ, गौरा पर्व र कफल्लेकी जाँतका बारेमा जानकारी दिइएको छ।
वृत्तचित्र फारवेस्टर्न राइडर नामक युट्यूब च्यानलबाट सार्वजनिक भएको छ। उक्त वृत्तचित्रले पर्यटन प्रवद्र्धनमा महत्त्वपूर्ण भूमिका खेल्ने विश्वास गरिएको शाहले बताएका छन्।
