काठमाडौं । सत्तारुढ दल नेकपा एमालेले नैनकला थापालाई प्रतिनिधिसभाको समानुपातिक उम्मेदवार बनाएको छ ।
एमाले उपाध्यक्ष रामबहादुर थापा ‘बादल’ पत्नीसमेत रहेका थापालाई एमालेले समानुपातिकको बन्दसूचीमा अटेपनि बादल भने समानुपातिकको बन्दसूचीमा अटेनन् ।
एमालेले समानुपातिक उम्मेदवार छनोटमा यसअघि अवसर पाएका र पछिल्ला चुनावमा उम्मेदवार बनेकाहरुलाई समानुपातिकको बन्दसूचीमा नराख्ने मापदण्ड बनाएपछि राष्ट्रियसभा उपचुनाव हारेका बादल स्वतः सूचीबाट बाहिरिएका हुन् ।
एमालेले सोमबार साँझ निर्वाचन आयोगमा बुझाएको ११० जनाको सूचीमा पदाधिकारीहरु छैनन् । एक नेताका अनुसार उमा कोइराला, शान्ति खनाल, सुनिता बराल, मेनका पछाइ, भक्तकुमारी लामा, दीपा शर्मा, क्रान्ति बुर्लाकोटी लगायत पनि एमालेको बन्दसूचीमा अटाएका छन् ।
