काठमाडौ : नेकपा एमालेका अध्यक्ष केपी शर्मा ओलीले राष्ट्रपति निवास शीतलनिवास पुगेर प्रधानमन्त्रीका लागि दाबी पेश गरेका छन् ।
नेपाली कांग्रेसका सभापति शेरबहादुर देउवा र ओलीको हस्ताक्षरसहित राष्ट्रपति कार्यालयमा दाबी पेश गरिएको हो । संख्या उल्लेख नगरी संसदीय दलको नेताको रुपमा देउवा र ओलीले राष्ट्रपतिलाई हस्ताक्षर बुझाएका हुन् । शुक्रबार राष्ट्रपतिले आइतबार साँझ ५ बजेभित्र दाबी पेश गर्न भनेकोमा शुक्रबारनै पेश गरिएको हो ।
संसदमा कांग्रेसका ८८ र एमालेका ७७ जना सांसद छन् । राष्ट्रपति रामचन्द्र पौडेलले संविधानको धारा ७६ (२) अनुसार सरकार गठनका लागि आह्वान गरेलगत्तै उनीहरु दुई दलका सांसदहरुको हस्ताक्षर लिएर शीतलनिवास पुगेका हुन् ।
