अछाम, २८ जेठ । अछामको ढकारी गाउँपालिकाका अध्यक्ष र उपाध्यक्ष सवार गाडी दुर्घटना भएको छ । अछामको साँफेबगर नगरपालिका वडा नम्बर ४ मा गाडी दुर्घटना भएको हो ।
ढकारी गाउँपालिकाको बा २ झ ३७६५ नम्बरको गाडी धनगढीबाट गाउपालिका जादै गर्दा आज बिहान साफेबगरमा सडकमै पल्टिएको प्रहरीले जनाएको छ ।
गाडी सडकमै पल्टिएपछि गाडि चालकको छाति र उपाध्यक्षलाई सामान्य चोट लागेपछि उद्धार गरेर बयालपाटा अस्पताल लगिएको प्रहरीले जनाएको छ । गाउँपालिका अध्यक्ष प्रकाश साउदलाई भने कुनै चोट नलागेको प्रहरीले जनाएको छ ।
