कांग्रेस सुदूरपश्चिमको प्रदेशस्तरीय भेलामा प्रदेश सभापति बलायर र कैलालीका सभापति भट्ट सहभागी नहुने !
कांग्रेस सुदूरपश्चिमको प्रदेशस्तरीय भेलामा प्रदेश सभापति वीर बहादुर बलायर र कैलालीका सभापति नारायणदत्त भट्ट सहभागी नहुने भएका छन् । देउवा पक्षीय प्रदेश सभापति वीर बहादुर बलायर र कैलालीका सभापति नारायणदत्त भट्ट सहभागी नहुने भएका हुन् ।
धनगढीमा आज बैशाख २६ र भोलि २७ गते दुई दिन काँग्रेसको प्रदेशस्तरीय भेला हुन लागेको छ ।
भेलालाई सम्बोधन गर्न नेपाली काँग्रेसका सभापति गगनकुमार थापासहितका नेता धनगढीमा पुगेका छन् ।थापालाई स्वागत गर्न देउवा पक्षीय मानिने मुख्यमन्त्री कमलबहादुर शाहसहित प्रदेश मन्त्री र कार्यकर्ता विमानस्थल पुगेका थिए । तर प्रदेश सभापति वीरबहादुर बलायर र कैलाली सभापति नारायणदत्त भट्ट भने अनुपस्थित भएका थिए ।
देउवालाई पार्टी सभापतिबाट हटाउदै गगन थापा विशेष महाधिवेशनबाट काङ्ग्रेस सभापति बनेका थिए ।
