काठमाडौं । त्रिभुवन विश्वविद्यालयले स्नातक प्रथम वर्षको परीक्षा फारम आह्वान गरेको छ ।
स्नातक तहअन्तर्गतको ३ र ४ वर्षे दुवैतर्फ प्रथम वर्ष मानविकी, व्यवस्थापन र विज्ञान संकायको मौका परीक्षा दिनेसहितका लागि परीक्षा फारम खुलेको त्रिभुवन विश्वविद्यालयले जनाएको छ ।
परीक्षा फारम भर्ने समय ०७७ चैत ३१ देखि ०७८ वैशाख ३० सम्म तोकिएको छ । दोब्बर दस्तुर तिरेर वैशाख ३० पछिको एक हप्तासम्म पनि फारम बुझाउन सकिनेछ ।
