धनगढी : नेपाल पत्रकार महासङ्घ कैलालीको अध्यक्षमा हिमाल जोशी निर्वाचित भएका छन्। स्वतन्त्र प्यानल बनाएर चुनावमा उठेका जोशी प्रतिस्पर्धी श्रवण देउवालाई ७ मत अन्तरले बिजय भएका हुन् ।
हिमाल जोशीको प्रतिस्पर्धीमा प्रेस युनियन लगायतको गठबन्धनबाट उम्मेदवार बनेका श्रवण देउवा र ओलि निकट प्रेस चौतारीबाट शुशिल ढुंगाना रहेका थिए ।
हरिश विक उपाध्यक्ष, दुर्गा देवकोटा महिला उपाध्यक्ष, युवराज न्यौपाने सचिव, घनश्याम पौडेल सहसचिव, लक्ष्मी प्रसाद जैशी कोषाध्यक्षमा विजयी भएका छन्।
निर्वाचनमा १९३ सदस्यमध्ये १८७ मत खसेको थियो।
