धनगढी – सुदूरपश्चिममा थप ६ जनामा कोरोना संक्रमण पुष्टि भएको छ ।
बिहिबार धनगढी स्थित सेती प्रादेशिक अस्पताल प्रयोगशाला परीक्षणमा २७ नमूना परीक्षण गर्दा ६ जनामा संक्रमण पुष्टि भएको अस्पतालका सूचना अधिकारी दिलिपकुमार श्रेष्ठले जानकारी दिए।
उनका अनुसार धनगढी उपमहानगरपालिका वडा नम्बर २ का २ जना, वडा नम्बर ३ का २ जना , कञ्चनपुरको भिमदत्त नगरपालिका १८ का १ जना र कैलालीको भजनी ५ का १ जनामा कोरोना संक्रमण देखिएको हो ।
अहिले अस्पतालमा कुल संक्रमित मध्ये २ जनालाई आइसियूमा राखिएको अस्पतालले जानकारी दिएको छ।
