KhabarUjyalo

तालमेलबारे पार्टी निर्णय नमान्नेलाई कांग्रेसले अनुशासनको कारबाही गर्ने

२ बैशाख २०७९, शुक्रबार
तालमेलबारे पार्टी निर्णय नमान्नेलाई कांग्रेसले अनुशासनको कारबाही गर्ने

काठमाडौं । नेपाली कांग्रेसले गठबन्धनबारे पार्टीले गरेको निर्णय उल्लंघन गर्नेलाई अनुशासन कारबाही गर्ने भएको छ । कांग्रेसको केन्द्रीय निर्वाचन परिचालन समितिको बैठकले पार्टीले गरेको निर्णयविरुद्ध नलाग्न मातहत सबै समितिहरूलाई निर्देशन दिने निर्णय गरेको छ ।

कांग्रेस उपसभापति एवं परिचालन समितिका संयोजक पूर्णबहादुर खड्काको संयोजकत्वमा बसेको बैठकले पार्टी निर्णयको पालना नहुनुलाई विधान र अनुशासन उल्लघंनको रुपमा लिने स्मरण गराएको हो ।

कांग्रेस केन्द्रीय सदस्य नैनसिंह महरका अनुसार बैठकले चुनावी तालमेलबारे पार्टीको केन्द्रीय समितिले गरेको निर्णय सबैले मान्नुपर्ने बताए ।

बैठकले विभिन्न ७ वटा समितिहरू गठन गरेको छ ।

१. भ्रातृ संघ समन्वय एवं परिचालन समिति

२. शुभेच्छुक संस्था समन्वय एवं परिचालन समिति

३. जिल्ला सम्पर्क समन्वय एवं परिचालन समिति

४. विदेशस्थित जनसम्पर्क समिति समन्वय एवं परिचालन उपसमिति

५. अनुगमन, मूल्यांकन तथा सुपरिवेक्षण उपसमिति

६. निर्वाचन सुरक्षा निकाय उपसमिति

७. आचार सहिंता अनुगमन तथा निर्वाचन आयोग समन्वय उपसमिति

खबर उज्यालो मिडिया प्रा. लि.

सूचना तथा प्रशारण विभाग दर्ता नं.: ३६३८/०७९–८०
सम्पादक : डि आर पनेरु
धनगढी कैलाली, सुदूरपश्चिम नेपाल
मोबाइल : ९८४८५४५७४७
ईमेल : khabarujyalo97@gmail.com

All Rights Reserved © Khabar Ujyalo