कञ्चनपुर : कञ्चनपुरको बेलौरीमा भारतीय तस्कर समुह र प्रहरीविच भिडन्त भएको छ । लागु औषध बोकेर नेपाल आईरहेका भारतीय तस्कर र प्रहरीविच बेलौरी नगरपालिका ७ टेडुवा सीमा क्षेत्रमा भिडन्त भएको हो ।
जिल्ला प्रहरी कार्यालय कञ्चनपुरका प्रहरी प्रवक्ता अमर बहादुर थापाले भारतीय तस्करबाट नेपालमा लागु औषध ल्याउन लागेको सूचना आएपछि त्यसतर्फ नेपाल प्रहरीको टोली परिचालन भएको बताए । भिडन्त गोलि लाग्दा भारतीय तस्करको ज्यान गएको छ । नेपाल प्रहरी तर्फ एक जना समेत घाईते भएको प्रवक्ता थापाले बताए ।
प्रहरीले घटना स्थलबाट प्रहरीले लागु औषध सहित नक्कली नोट बनाउने मेसिन समेत बरामद गरेको छ ।
