२३ मंसिर २०७९, शुक्रबार

धनगढीमा चण्डिका ग्रुप एलपिएल– ५ सुरु,आयोजक लिटल फ्लावर र विद्या भूषणबीच प्रतिस्पर्धा

१५ फाल्गुन २०७७, शनिबार
धनगढीमा चण्डिका ग्रुप एलपिएल– ५ सुरु,आयोजक लिटल फ्लावर र विद्या भूषणबीच प्रतिस्पर्धा

धनगढी : धनगढीमा चण्डिका ग्रुप लिटल फ्लावर प्रिमियर लिग (एलपिएल)– ५ सुरु भएको छ । शनिबार धनगढीको संघिय प्रहरी इकाई कार्यालयको खेल मैदानमा प्रमुख अतिथि धनगढी उपमहानगरपालिकाका मेयर नृप वडले उद्घाटन गरेर प्रतियोगिताको सुरु भएको हो । उद्घाटन खेलमा आयोजक लिटल फ्लावर र कैलालीको गेटामा रहेको विद्या भूषणबीच प्रतिस्पर्धा हुँदै छ ।

विद्यालय स्तरिय प्रतियोगितामा काठमाडौँ र कञ्चनपुरका दुई/दुई, रुपन्देहीको एक, दाङको एक र कैलालीका १० विद्यालयले प्रतियोगितामा सहभागिता जनाएका छन् । लिटल फ्लावर स्पोर्टस एन्ड इभेन्ट्सले आयोजना गरेको प्रतियोगिता फागुन २९ गते सम्म चल्ने छ ।

प्रतियोगितामा विजेताले १ लाख २० हजार र दोस्रो टोलीले ६० हजार रुपैयाँ प्राप्त गर्ने छ । प्रतियोगिताको सर्वोत्कृष्ट खेलाडीले १० हजार,उत्कृष्ट ब्याट्सम्यान, बलर र उदीयमान खेलाडीलाई समान ५ हजार तथा हरेक खेलको म्यान अफ दि म्याचले १ हजार ५ सय पाउने छन् ।

खबर उज्यालो मिडिया प्रा. लि.

सूचना तथा प्रशारण विभाग दर्ता नं.: ३६३८/०७९–८०
सम्पादक : डि आर पनेरु
धनगढी कैलाली, सुदूरपश्चिम नेपाल
मोबाइल : ९८४८५४५७४७
ईमेल : khabarujyalo97@gmail.com

All Rights Reserved ©KhabarUjyalo