बोतल पाया पानी खान्या, लोटा जन भुलेइ
पिज्जा पाया घट्ट पिस्या ,रोटा जन भुलेइ।।

स्ट्रवेरी सजाइ राखेइ,तेरा फिरिजमा
कनौलीका नास्पातीका ,बोटा जन भुलेइ।।

एल. इ .डीले झकमक, होला तेरो अपाट्मेन्ट
बालकाल झुरो बनिथ्यो,खोटा जन भुलेइ।।

चिल्ला बाटा चिल्ला गाडी,हुन्ना फनी पार्क
उचा उचा सप्पै धेकी,छोटा जन भुलेइ।।

ठूलाठूला सपिङ मलका,न्याराइ हुन्ना लुगा
निमोनिया बचायाका,भोटा जन भुलेइ।।

अहिले आउन्ना डिजिटलमा, आइफोनका युग
हजुर बा का रिलमा खिच्या,फोटा जन भुलेइ।।

एसी वाली गाडी होलि ,एसिइ वाला महल
तुइ जन्मेको गोठ मथि,कोठा जन भुलेइ।।

        ========धर्मराज जोशी=====