डडेल्धुरा :नेपाल एसबिआइ बैंक डडेल्धुरा जिल्लाको गन्यापधुरा शाखाले वित्तीय साक्षरता कार्यक्रमसंगै विद्यार्थीलाई झोला वितरण गरेको छ ।
गन्याधुरा गाउँपालिका वडा नम्बर २ कुजाकोटमा रहेको श्री सिमेशवर प्राविमा बैंकले सामाजिक उत्तरदायित्व तथा वित्तीय साक्षरता कार्यक्रमसंगै बिद्यालयमा अध्ययनरत ६५ विद्यार्थीहरूलाई झोला प्रदान गरेको हो ।
बैंकले सामाजिक उत्तरदायित्व तथा वित्तीय साक्षरता कार्यक्रमसंगै बिद्यालयमा अध्ययनरत ६५ विद्यार्थीहरूलाई झोला प्रदान गरेको र उक्त सहयोगले विद्यार्थीहरूको पढाइमा सहयोग पुग्ने गन्यापधुरा शाखाका शाखा प्रबन्धक अरुण पौडेलले बताए ।
उक्त कार्यक्रममा गन्यापधुरा गाउँपालिका का अध्यक्ष इन्द्रबहादुर कार्की, बैंकका कर्मचारीहरूको समेत सहभागिता रहेको थियो।
यसअघि बैंकले गन्यापधुरा गाउँपालिका वडा नम्बर ४ मा रहेको श्री भुवनेश्वरी माविमा अध्ययनरत बौद्धिक अपाङ्गता रहेका विद्यार्थीहरूलाई ट्रयाक सुट प्रदान गरेको थियो।
गन्यापधुरा गाउँपालिकामा नेपाल एसबिआइ बैंकको एक शाखा तथा दुई शाखारहित सेवा सञ्चालनमा छन्।
