सुर्खेत । रुकुम पूर्वमा सिस्नु टिप्न गएका दिदीबहिनी मृत फेला परेका छन् ।
बुधबार साँझ घरबाट सिस्न टिप्न गएका पुथाउत्तरगंगा गाउँपालिका-३ रन्माका १० वर्षीय रीना बुढामगर र ८ वर्षीय कालिमाया बुढामगर मृत फेला परेको हुन् ।
उनीहरु एकैघरका दिदीबहिनी रहेकाे प्रहरी निरीक्षक गणेश पाण्डेले जानकारी दिएका छन् ।
उनीहरु घरबाट सिस्नु टिप्ने भन्दै गएको र साँझ घरमा नआएपछि आफन्तले खोजस् गर्दा बिहीबार बिहान ६ बजे मृतक देखेपछि प्रहरीलाई खबर गरेका थिए ।
पाण्डेले भने,‘ हामी खबर पाए लगत्तै रुकुम पूर्वको सदरमुकाम देखि घटनास्थल सम्म पुग्दैछौं । उक्त ठाउँ भौगोलिक विकटता भएका कारण शव निकाल्न पनि समस्या हुन्छ । मृतकको घर देखि अन्दाजी १ सय मिटर तल भिरमा शव छ । घटनाबारे थप अनुसन्धान भइरहेको छ ।
