धनगढी: धनगढीमा रहेको शिवपुरी उत्तररामेश्वरम् ज्योर्तिलिङ्ग धामको अध्यक्षमा बल्देवप्रसाद भट्ट चयन भएका छन्। शनिबार शिवपुरी धाममा भएको ९औं साधारण सभामा भट्टलाई अध्यक्ष चयन गरेको हो ।
यस्तै वरिष्ठ उपाध्यक्षमा मदनबहादुर कुँवर, उपाध्यक्षमा सिद्धराज पनेरु, महिला उपाध्यक्षमा सीता खड्का, महासचिवमा योगेश मल्ल, सचिवमा भीमबहादुर कुँवर, त्यस्तै धनबहादुर भण्डारी, कोषाध्यक्षमा अर्जुन भट्ट र सह–कोषध्यक्षमा दानसिंह धामी चयन भएका छन्।
सदस्यहरुमा रमेश पाण्डेय, सावित्री कार्की, लोकराज भट्ट, लक्ष्मी शाही, दुर्गा मल्ल, डिल्लीराज भट्ट, ज्ञानु शाह, नविन रावल र पृथ्वीराज घिमीरे चयन भएका छन्।
कैलाली क्षेत्र नम्बर ५ का संघीय सांसद नारदमुनी रानाको प्रमुख आतिथ्यमा सम्पन्न भएको साधारण सभाको अध्यक्षता श्याम सुन्दर तायलले गरेका थिए ।
कार्यक्रमका सञ्चालक रहेका धामका निर्वतमान सचिव सिद्धराज पनेरुले निर्वाचन संयोजक अभिवक्ता प्रयागराज भट्टले निर्वाचन गरी सर्वसम्मत नयाँ कार्यसमितिको चयन गरेको बताए।
