धनगढी । कैलालीको धनगढीमा करेन्ट लागेर एक जनाको मृत्यु भएको छ । धनगढी उपमहानगरपालिका–१३ राजपुरका २० वर्षीय शर्बन रानाको करेन्ट लागेर मृत्यु भएको हो ।
धनगढी उपमहानगरपालिका–१ का लल्ला श्रीवास्तवको घरमा विवाहको टेन्ट गाड्ने क्रममा फलामको पाईप बिजुलीको मेन लाईनमा छुँदा करेन्ट लागुर रानाको मृत्यु भएको जिल्ला प्रहरी कार्यालय कैलालीले जनाएको छ ।
टेन्ट लगाउने क्रममा करेन्ट लागेर अन्य २ जना घाइते भएका छन । घाइते दुवै जनाको कैलाली अस्पतालमा उपचार भइरहेको प्रहरीले जनाएको छ ।
