पोखरा : कलिलो उमेरमै सामाजिक कार्यमा उल्लेखनीय योगदान गरेकी पोखराकी ८ वर्षीया बालिका प्रेन्सा रेग्मीलाई सम्मान गरिएको छ । शनिबार अम्बिका भागवत फाउन्डेसन र सम्झना सामाजिक सेवा समितीले सामाजिक कार्यमा उल्लेख्य योगदान गरेको भन्दै कान्छी समाजसेवी रेग्मीलाई सम्मान गरेको हो ।
पोखरामा कोरोना महामारीबाट समाजलाई बचाउन मास्क, गरीब विद्यार्थीका लागि शैक्षिक सामाग्री, खाद्यान्न , लत्ताकपडा वितरण गर्दै आएकी प्रेन्सा फागुन ६ गतेदेखि बुक बैंक सञ्चालनमा ल्याएकी छन् । थोरै भएपनि सामाजिक सेवा गर्ने मौका पाएको र समाजबाट यसरी सम्मान पाउदा खुशी भएको बताईन ।
