बस्यो छाप सम्झनाको ,यो छातीमा दामी बनेर,
कहिले आउँछ पहाड बनेर,कहिले सुनामी बनेर।
लेखेर छोड्यौ आखिर कर्जा तमसुक सम्झनाकै,
म भासिँए तिम्रो कारोबार भित्रको असामी बनेर।
भैरहँदा तिमी गगनको रबि अनि म धराको धुलो
कसरी मजबुत हुन्छ सम्बन्ध म बाट हामी बनेर।
कति बिझाउँछ र कति पोल्छ मायाले मुटुमा,
हेर , एकपटक तिमी पनि प्रेमको बिरामी बनेर।
प्रेमी बनेर त तिमी आएनौ प्रिय यो जिन्दगीमा,
अब अन्तिम एकपटक आउनु पर्छ मलामी बनेर।।
सरस्वती पौडेल
भरतपुर ५,चितवन ।
