धनगढी : नेकपा एमाले सुदूरपश्चिम प्रदेश कमिटीका सवै पदाधिकारी सर्वसम्मत भएका छन् ।
अध्यक्षमा अछामका कृष्णप्रसाद जैशी, उपाध्यक्षमा बाजुराका कालिबहादुर शाही, सचिवमा कैलालीका रणबहादुर चन्द उपसचीवमा कंचनपुरका नरबहादुर बिक र कैलालीकी भागरथी बिष्ट सर्वसम्मत भएकी हुन् ।
उपाध्यक्षमा शाही हिजो नै सर्वसम्मत भए पनि अन्य पदमा भने आज सहमति भएको हो । यस अघि आजै सचिवमा रतन रेग्मीले उम्मेदवारी फिर्ता लिदा चन्द र अशोक चन्दले फिर्ता लिदा बिक सर्वसम्मत भएका हुन् ।
अध्यक्षमा भरत साउदले उम्मेदवारी फिर्ता लिदा जैशी सर्वसम्मत भएका हुन् भने महिला उपसचिवमा कन्दकला रानाले उम्मेदवारी फिर्ता लिएपछि बिष्ट सर्वसम्मत भएकी हुन । बाँकी पदमा पनि सर्वसम्मतीको प्रयास भईरहेको छ ।