धनगढी : केही समयअघि फेसबुक र टिकटकमा दक्षिण भारतीय फिल्म ‘पुष्पा द राइज’को सामी सामी बोलको गीतमा नेपाली बालिका नाचेको भिडिओ भाइरल भयो।
उक्त भाइरल भिडियोमा नाच्ने बालिका थिइन् हेटौँडाकी बारिशा थापा । उनको नाच सबैभन्दा पहिले नेपालमा भाइरल भयो । ती बालिकाको नाचको प्रशंसा गर्दै ‘पुष्पा द राइज’ फिल्मकी अभिनेत्री रश्मिका मन्दनाले शेयर गरेकी थिइन् ।
उनले प्रशंसा गर्दै बारिशालाई भेट्न इच्छुक रहेको बताइन् । त्यसपछि भारतीय मिडियामा छाएको ती बालिकाको नृत्य भारतीय कोरियोग्राफर रेमो डिसुजाले हेरेर उनलाई आफ्नो शो डान्स इन्डिया डान्सको अर्को सिजनका लागि निम्तो गरेका छन् ।
यतिखेर अमेरिकी र्यापर स्नुपडगले बारिशाको उक्त भिडिओ शेयर गरेपछि उनको चर्चा थप चुलिएको छ । इन्स्टाग्राममा सात करोड ७० लाख बढी फलोअर भएका स्नुपडगले शुक्रबार भिडिओ शेयर गरेका हुन् । सो भिडिओमा अहिलेसम्म ६ लाख ८३ हजार बढी लाइक र करिब दश हजार कमेन्ट पुगेको छ ।
यसरी बालिका थापा नाचेकाे भिडिओ बलिउडदेखि हलिउडसम्म पुगेको छ ।
