काठमाडाैँ – साफ च्याम्पियनसिप २०२१ को उपाधिका लागि नेपाल र भारतबीच प्रतिस्पर्धा हुने भएको छ । राउन्ड रोबिनको अन्तिम खेलमा नेपालले बंगलादेशसँग एक–एकको बराबरी खेल्दै साफ च्याम्पियनसिपको इतिहासमा पहिलो पटक फाइनलमा स्थान बनाएको हो ।
नेपाली टोलीले इतिहास रचेपछि प्रधानमन्त्री शेरबहादुर देउवाले बधाई दिनुभएको छ । अब उपाधिका लागि नेपालले भारतसँग प्रतिष्पर्धा गर्नेछ । भारत पनि माल्दिभ्सलाई ३–१ ले हराउँदै फाइनलमा पुगेको छ । फाइनल खेल आगामी शनिबार हुने छ ।
