काठमाडौं- नेपाल क्रिकेट संघ (क्यान)ले आवेदन मागेको १३ महिनापछि सातै प्रदेशमा प्रशिक्षक नियुक्त गरेको छ।
क्यानले शनिबार ७ प्रदेशका लागि १० प्रदेश प्रशिक्षक नियुक्त गरेको हो। क्यानका अनुसार प्रदेश २, लुम्बिनी र सुदूरपश्चिममा दुई/दुई प्रशिक्षक नियुक्त गरिएको छ।
अन्य बाँकी चार प्रदेशमा भने एक/एक प्रशिक्षक नियुक्त गरेको छ। क्यानले सुदूरपश्चिममा खेमराज भट्ट र जानकी भट्टलाई नियुक्त गरिएको छ। प्रदेश १ मा नेपालबाट अन्तर्राष्ट्रिय यू–१९ खेलेका पुष्प थापालाई नियुक्त गरेको छ।
प्रदेश २ मा प्रकाश शर्मा र सुनिल कुमार शाह, बागमतीमा सन्जय महर्जन र गण्डकी मा रिजन प्रजुलाई नियुक्त गरिएको छ।
यस्तै लुम्बिनीमा नेपाली यू–१६ प्रशिक्षक सम्हालिसकेका वसन्त शाही ठकुरी र जमिल अन्सारी,कर्णालीमा विरेन्द्र शाहीलाई नियुक्त गरिएको छ।
क्यानले गत जेठमा १६ प्रशिक्षकको अन्तरवार्ता लिएको थियो। प्रशिक्षक पदका लागि कुल २४ प्रशिक्षकले आवेदन दिएका थिए।
