KhabarUjyalo

शिक्षक र सरकारबीचको वार्ता निष्कर्षविहीन, आज पुन: वार्ता हुने

५ आश्विन २०८०, शुक्रबार
शिक्षक र सरकारबीचको वार्ता निष्कर्षविहीन, आज पुन: वार्ता हुने

काठमाडौँ- विभिन्न माग राखी यही असोज ३ गतेदेखि आन्दोलनमा रहेको नेपाल शिक्षक महासङ्घ र सरकारबीच बिहिबार भएको वार्ता निश्कर्ष बिहिन टुङ्गिएको छ ।

सरकार र आन्दोलनरत शिक्षकहरुबीच बिहिबार बिहान र साँझ गरी दुई चरणमा वार्ता भएपनि निष्कर्षमा पुग्न सकेन ।

कानून, न्याय, तथा संसदीय मामिला मन्त्री धनराज गुरुङले महाङ्घसँगको आज बिहान पुनः वार्तामा बस्ने बताए ।

शिक्षक महासङ्घ र सरकारका बीच बिहिबार वार्ता भएकोमा सहमति जुट्न सकेको थिएन ।

बिहीबार विहान आन्दोलनरत शिक्षकका प्रतिनिधिहरुसँग उपप्रधानमन्त्री तथा गृहमन्त्री नारायणकाजी श्रेष्ठले छलफल गर्नु भएको थियो । साँझको बैठकमा गृहमन्त्री श्रेष्ठ, शिक्षा, विज्ञान तथा प्रविधि मन्त्री अशोक राई, अर्थमन्त्री प्रकाशशरण महत र कानून, न्याय तथा संसदीय मामिलामन्त्री धनराज गुरूङ र संचारमन्त्री रेखा शर्माकोे उपस्थिति रहेको थियो ।

शिक्षा विधेयकको विरोधमा शिक्षक महासंघको नेतृत्वमा बुधवारदेखि शिक्षकहरु आन्दोलनमा उत्रिएका हुन । शिक्षकहरु आन्दोलनमा उत्रिएपछि देशैभरका सरकारी बिद्यालयको पठन पाठन ठप्प भएको छ ।

खबर उज्यालो मिडिया प्रा. लि.

सूचना तथा प्रशारण विभाग दर्ता नं.: ३६३८/०७९–८०
सम्पादक : डि आर पनेरु
धनगढी कैलाली, सुदूरपश्चिम नेपाल
मोबाइल : ९८४८५४५७४७
ईमेल : khabarujyalo97@gmail.com

All Rights Reserved © Khabar Ujyalo