प्रधानमन्त्रीको निजी सचिवालयमा स्वास्थ्य विभागका जनस्वास्थ्य अधिकृत दीपकराज भट्ट नियुक्त भएका छन्। २०७८ असोज १२ काे पत्रअनुसार प्रधानमन्त्री तथा मन्त्रीपरिषद्काे कार्यालयकाे निजी सचिवालयमा नियुक्त भएका हुन् ।
उनी नेपाल स्वास्थ्यकर्मी संघका केन्द्रीय महासचिव तथा नेपाल स्वास्थ्य व्यवसायी परिषद्का पूर्वरजिस्ट्रार हुन्। उनलाई स्वास्थ्य सचिवस्तरीय निर्णयबाट काम काज गर्न प्रधानमन्त्री कार्यालयमा खटाइएको हाे ।
स्वास्थ्य मन्त्रालयका स्रोतका अनुसार उनलाई स्वास्थ्य तथा जनसंख्या मन्त्रालयले पनि काजमा पठाइसकेको छ। सुदूरपश्चिमका उनले यसअघि कोरोना महामारी नियन्त्रण समितिको विज्ञ समितिमा रहेर पनि काम गरेका थिए।
