धनगढी । नेपालकै ठूलो चेन सुपर मार्केट भाटभटेनी सुपरमार्केट को २३ औं स्टोरको रुपमा सुदुरपश्चिम प्रदेशको धनगढीमा भोली औपचारिक समुद्घाटन हुने भएको छ । धनगढी उपमहानगर–३ बोराडाँडीमा १७ कट्ठा क्षेत्रफलमा डेढ लाख स्क्वायर फिट क्षेत्रफल र अण्डरग्राण्डसहित ६ तल्लाको भवनसहितको भाटभटेनी सुपरमार्केट स्टोरको शुभारम्भ हुने भएको हो ।
स्टोरमा ग्रोसरी, भाडाकुँडा, बच्चाका खेलाउनाका सामान , लत्ताकपडा , जुत्ता , टिभि फ्रीज, वासिङमेसिन लगाएत दैनिक उपभोग्य सबै सामान एकैठाउँमा बजारकै मूल्यमा उपलब्ध हुने भाटभटेनी सुपर स्टोरका व्यवस्थापक विनोद भट्टराईले बताए ।
स्टोरको शुभारम्भको अवसरमा सम्पुर्ण समानमा १० % र इलेक्ट्रोनिक समान २० % छुट रहने भाटभटेनी सुपर स्टोरका व्यवस्थापक भट्टराईले बताए ।
भाटभटेनीले सेवा,स्वदेशी उत्पादन र स्वरोजगारलाई विशेष प्राथमिकता दिएको उनले बताए ।
