१८ असार २०७९, शनिबार

बालुवाटारमा बसेर प्रधानमन्त्रीका प्रमुख आर्थिक सल्लाहकार दुगड सुपारी तस्करीमा

३१ चैत्र २०७७, मंगलवार
[Sassy_Social_Share]
बालुवाटारमा बसेर प्रधानमन्त्रीका प्रमुख आर्थिक सल्लाहकार दुगड सुपारी तस्करीमा

काठमाडौं । बालुवाटारमा बसेर प्रधानमन्त्रीका प्रमुख आर्थिक सल्लाहकार मोतीलाल दुगड सुपारी तस्करीमा संलग्न भएका छन् । हालै उनले आफूनिकट झापाका पाँच जना व्यापारीलाई सुपारी आयात गर्ने अनुमति दिएका छन् । विदेशबाट आयात हुने सुपारी नेपालमा खपत हुने भन्दा बढी भारतमा तस्करी हुने गरेको छ ।

मन्त्रालय स्रोतका अनुसार, यस वर्षको २५ हजार टन सुपारी कोटामध्ये सबैभन्दा बढी झापा बिर्तामोडका प्रदीप मित्तलले १० हजार टन सुपारी आयातको अनुमति पाएका छन् । त्यसैगरी गोविन्द सरियाले ५ हजार टन, विराटनगरमा प्रदीपकुमार मुरारका र दिनेश राठीले २ हजार ५ सय टनका दरले आयात अनुमति पाएका छन् । मित्तल, सरिया, मुरारका र राठी झापाका सुपारी तस्कर दीपक पोखरेल समूहका हुन् । त्यसमध्ये कोटाको २५ हजारमध्ये २० हजार टन पोखरेलले मात्र पाएको विभागले जनाएको छ ।

सौर्य एअरलाइन्सका सञ्चालक दीपक पोखरेल समूहले विगतदेखि नै इन्डोनेसिया र थाइल्यान्डबाट आयात सुपारी नेपालमा उत्पादित भन्ने नक्कली कागजात र उत्पत्तिको प्रमाणपत्र बनाएर भारततर्फ निर्यात गरेर अर्बौ कमाएका छन् । सरकारले चार महिनाका लागि २ करोड २७ लाख किलो सुपारी आयातको कोटा तोकेको छ । जबकि, आर्थिक वर्ष २०७६/७७ मा २९ लाख ६२ हजार किलो मात्रै सुपारी आयात भएको छ । अझ आर्थिक वर्ष २०७५/७६ मा करिब ११ लाख २८ हजार ३ सय ११ किलो मात्रै सुपारी आयात भएको तथ्यांक छ । दृष्टिबाट

सुदुरपश्चिम प्रदेश धनगढी, कैलाली
९८४८५४५७४७
khabarujyalo97@gmail.com

खबर उज्यालो टिम

सम्पादक

डि आर पनेरू

समाचार पोर्टल खबर उज्यालोमा राजनिती,समाज अर्थतन्त्र,मनोरञ्जन/कला,खेल, बिचार,अन्तरास्ट्रिय, भिडियो समावेश गरिएको छ । तपाईको गाउँ समाज,कार्यालय तथा सार्वजनिक निकायमा भईरहेका विभिन्न गतिविधि तथा सूचना भए हामीलाई सम्झनु होस् । हामी ती सूचनालाई प्राथमिकता दिएर बनाउने छौँ समाचार र सम्पुर्ण पाठक वर्गमा पुर्याउन चाहन्छौं ।

All Rights Reserved ©KhabarUjyalo