धनगढी । धनगढीस्थित सि.पि. अस्पतालले सार्वजनिक सुनुवाई गरेको छ ।
धनगढी उपमहानगरपालिका वडा नम्बर-३ मा निर्माणाधिन अस्पतालमा प्रभावित क्षेत्रका स्थानीयहरुको राय सुझाव लिइ अस्पतालले सार्वजनिक सुनुवाई गरेको हो ।
सुनुवाइ कार्यक्रममा स्थानीयहरुले रोजगारीका लागि त्यस क्षेत्रका मानिसलाई प्राथमिकता दिनुपर्ने, फोहोर व्यवस्थापन र सरसफाईमा अस्पतालले ध्यान दिनुपर्ने, सामाजिक कार्यमा लगानी गर्नुपर्ने लगायतका सुझाव राखेका थिए ।
अस्पतालले सुनुवाइबाट आएका सुझावहरूलाई ग्रहण गर्दै अघि बढ्ने प्रतिवद्धता व्यक्त गरेको थियो ।
