२३ मंसिर २०७९, शुक्रबार

सप्तरीमा गाई फर्ममा आगलागी हुँदा १८ गाई र दुई बाछा जलेर मरे

६ चैत्र २०७७, शुक्रबार
सप्तरीमा गाई फर्ममा आगलागी हुँदा १८ गाई र दुई बाछा जलेर मरे

सप्तरी, चैत ६ गते । सप्तरीको अग्निसाइर कृष्णसवरण नगरपालिका–५ स्थित एक गाई फर्मममा आगलागी भएको छ । शुक्रबार बिहान अचानक भएको आगलागीमा १८ वटा गाई र २ वटा बाच्छा जलेर मरेको सप्तरी प्रहरीले जनाएको छ ।
मनोज साह र दिनानाथ साहले सप्तरीको अग्निसाइर कृष्णसवरण नगरपालिका वडा न.–५ को महुली पुल नजिकै सञ्चालन गरेको कृष्णराम बहुउद्देश्यीय कृषि फर्मको गाई गोठमा ६० वटा गाई पालिएको मध्ये गाई र बाच्छासहित २० वटा जलेर मरेको अवस्थामा फेला परेको हो ।

एक्कासि भएको आगलागी गोठका कर्मचारीले देखेको र गाईको दाम्लाे काट्दासमेत गाईहरू बाहिर नभागेर आगो बलेकै तिर भागेर पसेकाले निकै धेरै क्षति भएको जिल्ला प्रहरी कार्यालय सप्तरीका प्रमुख एसपी राजेन्द्र धमलाले जानकारी दिनुभयो।

आगो बिहानै नियन्त्रणमा आएको र अहिले के–कति क्षति भयो भन्ने बारेमा क्षतिको मूल्याङ्कन गरिएको प्रहरीले जनाएको छ । यता सप्तरीमा पछिल्लो समय आगलागीका घटना बढेको छ ।

बिहीबार मात्र जिल्लाको तिलाठी कोइलाडी गाउँपालिका वडा न.–५ आगलागी हुँदा झन्डै ७५ लाख बराबरको धनमाल जलेर नष्ट भएको थियो । यता आगलागीमा चार वटा घर जलेर खरानी बनेको थियो भने एक जना गम्भीर घाइते भएका थिए ।

खबर उज्यालो मिडिया प्रा. लि.

सूचना तथा प्रशारण विभाग दर्ता नं.: ३६३८/०७९–८०
सम्पादक : डि आर पनेरु
धनगढी कैलाली, सुदूरपश्चिम नेपाल
मोबाइल : ९८४८५४५७४७
ईमेल : khabarujyalo97@gmail.com

All Rights Reserved ©KhabarUjyalo