धनगढी : संगीतकार तथा गायक भीम बिसी र पछिल्लो समयकी चर्चित गायिका एलिना चौहानको स्वरमा रहेको नयाँ गीत ‘ऐना हेरी हेरी’ सार्वजनिक भएको छ । लेखक तथा पत्रकार शिवराज योगीले रचेका शब्दमा बिसीले संगीत भरेका छन् ।

उच्च क्वालिटीमा तयार पारिएको गीतको म्युजिक भिडियोको निर्देशन र सम्पादन भने अहिलेका चर्चित निर्देशन प्रविन भट्टले गरेका हुन् । गीतको एरेन्ज विश्व अधिकारीले गरेका छन् भने अजय रेग्मीले छायाङ्कन गरेको भिडियोमा गायिका एलिना र बिसी आफैले अभिनय गरेका छन् । गीतको भिडियोमा सरोज बुढाथोकीको श्रृङ्गार र कुशुम श्रेष्ठको पहिरन छ ।

सहायक निर्देशक सागरबाबु भट्ट रहेको गीत गायक बीसीले आफ्नै अफिसियल युटुब च्यानल भीम बिसी अफिसियलबाट सार्वजनिक गरेका हुन् । छुट्टिएर टाढा बस्न बाध्य पे्रमिल जोडीको मार्मिक कथालाई गीत उतारिएको छ । माया, प्रेम र प्रमिल मान्छेको साथ भएन भने धनले मात्रै मान्छे खुशी र शुखी हुँदैन भन्ने भाव गीतमा समेटिएको छ ।

 गीत कारुणिकमात्र होइन आधुनिक प्रविधि र लयमा निर्माण भएकाले धेरैले रुचाउने विश्वास भीम बिसीले व्यक्त गरे ।