धनगढीः सुदूरपश्चिम प्रदेश प्रहरी कार्यालयमा कार्यरत प्रहरी सहायक निरीक्षक सहित ५ जना जुवाडे कैलालीबाट पक्राउ परेका छन्। उनिहरुबाट ३ लाख ३४ हजार नगद बरामद गरेको छ ।
गोदावरी नगरपालिका – १० को खमौरास्थित जंगलमा जुवातास खेलिरहेको अवस्थामा पक्राउ परेका सुदूरपश्चिमका प्रमुख प्रहरी नायब महानिरीक्षक (डीआईजी) उत्तमराज सुवेदीका अंग रक्षक समेत रहेका प्रहरी सहायक निरीक्षक पुस्कर भट्टसहितका ५ जनाको विवरण सार्वजनिक गरेको हो।
धनगढी उप–महानगरपालीका वडा नम्बर ३ बस्ने ४५ वर्षीय डबल चन्द, वडा नम्बर ४ बस्ने ३० वर्षीय बालकृष्ण पनेरु, गोदावरी नगरपालिका ५ बस्ने ४० वर्षीय टेक बहादुर बिष्ट र कञ्चनपुरको भिमदत्त नगरपालीका ४ बस्ने ३७ वर्षीय सन्तोष चन्द रहेको कैलाली प्रहरीले जनाएको छ । उनिमाथी थप अनुसन्धान भैइरहेको कैलाली प्रहरीले जनाएको छ ।
