१८ असार २०७९, शनिबार

एक गोल पोलमा लागेर फर्किएको छ,नयाँ गोल हान्ने चान्स प्रधानमन्त्रीकै हातमा छ : महेश बस्नेत

११ फाल्गुन २०७७, मंगलवार
[Sassy_Social_Share]
एक गोल पोलमा लागेर फर्किएको छ,नयाँ गोल हान्ने चान्स प्रधानमन्त्रीकै हातमा छ : महेश बस्नेत

काठमाडौं । नेकपा नेता महेश बस्नेतले मुलुकलाई समीकरणको दिशाबाट एकीकरणको दिशामा लग्न प्रधानमन्त्री केपी ओलीलाई आग्रह गरेका छन् । सर्वोच्च अदालतले संसद् पुन:स्थापनाको फैसला गरेसँगै उनले ओलीसँग अझै राजनीतिमा प्रभाव जमाउने अवसर रहेको बताएका हुन् ।

उनले भनेका छन्, “केपी ओलीको वरिपरि आज पनि नेपालको राजनीति घुमिरहेको छ । एक गोल पोलमा लागेर फर्किएको छ । नयाँ गोल हान्ने चान्स तपाईंकै हातमा छ ।”

विभाजनकारीलाई एकताको प्रक्रियामा फर्काउन आग्रह गर्दै उनले भनेका छन्, “पद, पैसा र प्रतिष्ठाका लागि मरिहत्ते गर्नेलाई सदाचारको बाटोमा हिँडाउनुहोस् । राजनीतिलाई विकृति र विसंगतिमुक्त बनाउनुहोस् ।”

सर्वोच्च अदालतको फैसलालाई अनपेक्षित भन्दै उनले अढाइ दशकअघिको घटनाक्रम दोहोरिने शंका गरेका छन् । उनले फेसबुकमा लेखेका छन्, “विसं २०५२ सालमा तत्कालीन प्रधानमन्त्री मनमोहन अधिकारीको सरकारको संसद् विघटन गरी निर्वाचनमा गएको प्रक्रिया सर्वोच्चले खारेज गरेकामा राजनीति १ दशकसम्म अस्थिरता र विकृतिमा फसेको थियो ।” जिम्मेवार नेतृत्वले त्यो कुरा ध्यान दिएर सुझबुजपूर्ण कदम चाल्ने विश्वास उनको छ । 

सुदुरपश्चिम प्रदेश धनगढी, कैलाली
९८४८५४५७४७
khabarujyalo97@gmail.com

खबर उज्यालो टिम

सम्पादक

डि आर पनेरू

समाचार पोर्टल खबर उज्यालोमा राजनिती,समाज अर्थतन्त्र,मनोरञ्जन/कला,खेल, बिचार,अन्तरास्ट्रिय, भिडियो समावेश गरिएको छ । तपाईको गाउँ समाज,कार्यालय तथा सार्वजनिक निकायमा भईरहेका विभिन्न गतिविधि तथा सूचना भए हामीलाई सम्झनु होस् । हामी ती सूचनालाई प्राथमिकता दिएर बनाउने छौँ समाचार र सम्पुर्ण पाठक वर्गमा पुर्याउन चाहन्छौं ।

All Rights Reserved ©KhabarUjyalo