काठमाडौँ । आइसिसी विश्वकप लिग २ अन्तर्गत नेपालमा जारी त्रिकोणात्मक एक दिवसीय सिरिजमा नेपालका लागि रोहित कुमार पौडेलले अर्धशतक पूरा गरेका छन् ।
त्रिवि क्रिकेट मैदानमा स्कटल्यान्डले दिएको २१३ रनको लक्ष्य पछ्याएको नेपालका लागि रोहितले अर्धशतक पूरा गरेका हुन् ।
उनले ३० ओभरको पहिलो बलमा एक रन हान्दै ५० रन पूरा गरे । रोहितले ५४ बलमा ४ चौका र २ छक्का प्रहार गरे ।
रोहितको अर्धशतकसँगै नेपाल राम्रो अवस्थामा आएको छ ।
