१९ मंसिर २०७९, सोमबार

सात महिनामा झण्डै ४९ अर्ब रुपैयाँको खाद्यान्न भित्रीयो

१० फाल्गुन २०७७, सोमबार
सात महिनामा झण्डै ४९ अर्ब रुपैयाँको खाद्यान्न भित्रीयो

काठमाण्डाै – चालु आर्थिक वर्षको पहिलो सात महिनामा झण्डै ४९ अर्ब रुपैयाँको खाद्यान्न आयात भएको छ । साउनदेखि माघसम्म ४८ अर्ब ८७ करोड रुपैयाँको खाद्यान्न विभिन्न देशबाट नेपाल भित्रिएको भन्सार विभागले जनाएको छ ।

हरिया तरकारीदेखि फलफुल र दाल, चामल पनि नेपालले विदेशबाटै किनेको छ । सात महिनामा झण्डै २० अर्ब रुपैयाँ बराबरको धान चामल मात्रै आयात भएको छ । 

सात महिनामा व्यापार घाटा पनि सात खर्ब ३३ अर्ब ७२ करोड रुपैयाँ पुगेको छ । नेपालले विदेशबाट आठ खर्ब तीन अर्ब ६० करोड रुपैयाँको वस्तु तथा सेवा आयात गरेको छ । तर यसै अवधिमा नेपालले जम्मा ६९ अर्ब ९१ करोड रुपैयाँको वस्तु तथा सेवा मात्रै निर्यात गर्न सकेको छ । आयात शून्य दशमलव शून्य एक प्रतिशतले बढेको छ भने निर्यात सात दशमलव ६१ प्रतिशतले बढेको छ । 

नेपालको सबैभन्दा ठूलो व्यापार घाटा भारतसँग रहेको छ । भारतबाट सात महिनामा पाँच खर्ब ३१ अर्ब ९५ करोड रुपैयाँको वस्तु तथा सेवा आयात भएको छ भने जम्मा ४९ अर्ब ९३ करोड रुपैयाँको निर्यात भएको छ । भारतसँग चार खर्ब ८२ अर्ब रुपैयाँको व्यापार घाटा भएको छ ।  

खबर उज्यालो मिडिया प्रा. लि.

सूचना तथा प्रशारण विभाग दर्ता नं.: ३६३८/०७९–८०
सम्पादक : डि आर पनेरु
धनगढी कैलाली, सुदूरपश्चिम नेपाल
मोबाइल : ९८४८५४५७४७
ईमेल : khabarujyalo97@gmail.com

All Rights Reserved ©KhabarUjyalo