१७ असार २०७९, शुक्रबार

तीन हत्याराले पाए राष्ट्रपतिबाट आममाफी !

८ फाल्गुन २०७७, शनिबार
[Sassy_Social_Share]
तीन हत्याराले पाए राष्ट्रपतिबाट आममाफी !

काठमाडौ : नेपाल तरुण दल चितवनका तत्कालीन अध्यक्ष शिव पौडेलको हत्यामा दोषी ठहर भई जेल सजाय भोगिरहेका तीनजनालाई प्रजातन्त्र दिवसको अवसरमा बाँकी सजाय मिनाह गरिदिएको छ।

पौडेलको हत्यामा दोषी ठहर भई जेल सजाय भोगिरहेका फणिन्द्र श्रेष्ठ, दिलबहादुर मोक्तान र सुनिल केसीको जेल सजाय सरकारले मिनाहा गरेको हो।

राष्ट्रपति विद्यादेवी भण्डारीले सरकारको सिफारिसमा प्रजातन्त्र दिवस (फागुन ७ गते) का अवसरमा ५ सयभन्दा बढी कैदीबन्दीसँगै यी ३ जनाको बाँकी कैद सजाय मिनाहा स्वीकृत गरेकी हुन्‌। उनीहरु तीनै जना प्रधानमन्त्री केपी शर्मा ओली खेमाका कार्यकर्ता हुन् ।

श्रेष्ठ, मोक्तान र केसीले २०६८ पुसमा जिल्ला चितवन कारागारभित्रै तरुण दल चितवनका तत्कालीन अध्यक्ष शिव पौडेलको हत्या गरेका थिए।

नेपाली कांग्रेसनिकट तरुण दलले सरकारी कदमको निन्दा गरेको छ। दलका अध्यक्ष जीतजङ्ग बस्नेतद्वारा जारी विज्ञप्तिमा लेखिएको छ, ‘प्रजातन्त्र दिवसको अवसरमा प्रजातन्त्रकै खिल्ली उडाउँदै नेकपाको ओली गुटको सरकारको सिफारिसमा राष्ट्रपति विद्यादेवी भण्डारीले बाँकी कैद मिनाहा गरी उनीहरूलाई आममाफी दिइएकोप्रति नेपाल तरुण दल गम्भीर आपत्ति जनाउँदै उक्त कार्यको घोर निन्दा एवम् भर्त्सना गर्दछ।’

तरुण दलले यसको विरोधमा विरोधका कार्यक्रम गरिने जनाएको छ। मन्त्रिपरिषद्को सिफारिसमा ४०१ कैदीको बाँकी कैद मिनाहा तथा १७९ जनाको भुक्तान हुन बाँकी कैदमा छुट दिइएको हो।

सुदुरपश्चिम प्रदेश धनगढी, कैलाली
९८४८५४५७४७
khabarujyalo97@gmail.com

खबर उज्यालो टिम

सम्पादक

डि आर पनेरू

समाचार पोर्टल खबर उज्यालोमा राजनिती,समाज अर्थतन्त्र,मनोरञ्जन/कला,खेल, बिचार,अन्तरास्ट्रिय, भिडियो समावेश गरिएको छ । तपाईको गाउँ समाज,कार्यालय तथा सार्वजनिक निकायमा भईरहेका विभिन्न गतिविधि तथा सूचना भए हामीलाई सम्झनु होस् । हामी ती सूचनालाई प्राथमिकता दिएर बनाउने छौँ समाचार र सम्पुर्ण पाठक वर्गमा पुर्याउन चाहन्छौं ।

All Rights Reserved ©KhabarUjyalo