धनगढी/डि आर पनेरु : कैलालीको गोदावरी नगरपालिकाले सडक क्षेत्रमा निर्माण भएका संरचनाहरु हटाउन सुरु गरेको छ ।
नगरपालिकाले आइतबारदेखी अत्तरिया बजारक्षेत्रमा सडक क्षेत्र अतिक्रमण गरी बनाईएका संरचनाहरु भत्काउने सुरु गरेको हो ।
पटकपटक सूचना जारी गर्दासमेत हटाउने अटेर गरेपछि नगरपालिकाले डोजर प्रयोग गरि हटाउने थालिएको गोदावरी नगरपालिकाले जनाएको छ । अत्तरिया बजारलाई सून्दर र व्यवस्थित बनाउनका लागी सडक क्षेत्रमा अतिक्रमित संरचना हटाउने काम थालिएको नगरप्रमुख विरेन्द्र भट्टले बताएका छन् ।
