काठमाडौँ- हमासको आक्रमणमा परी ज्यान गुमाएका १० नेपालीमध्ये चार जनाको शव भोलि आइतबार नेपाल ल्याइने भएको छ ।
तेलअविवस्थित नेपाली दूतावासले शुक्रबार एक प्रेस विज्ञप्ति जारी गर्दै साे बारे जानकारी दिएकाे हाे ।
दूतावासका अनुसार नारायणप्रसाद न्यौपाने, लोकेन्द्रसिंह धामी, दिपेशराज बिस्ट र आशिष चौधरीकाे शव ल्याउन लागिएकाे हाे ।
सम्पूर्ण कानुनी प्रक्रिया पूरा गरेर चार जनाको शव आज दिउँसो १ः२५ बजेको फ्लाइ दुबईको उडानबाट नेपाल पठाउन लागिएको दूतावास जनाएकाे छ । दूतावासका अनुसार इजरायलबाट दुबईसम्म र त्यहाँबाट काठमाडौँसम्म पुग्ने व्यवस्था मिलाइएको छ ।
फ्लाइट डिटेलअनुसार भोलि बिहान काठमाडौँ आइपुग्नेछ । अन्य शव पहिचानको काम भइरहेको पनि दूतावासले जनाएकाे छ ।
यस्तै सम्पर्कविहीन रहेका विपिन जोशीको खोजी भइरहेको पनि उसले भनेकाे छ ।
