४ असोज, काठमाडौं ।
गाँजालाई वैधानिकता दिन र गाँजा राखेको आरोपमा पक्राउ परेका राजीव काफ्लेको रिहाईका माग गर्दै सोमबार काठमाडौंको माइतीघरमा प्रदर्शन गरिएको छ । गाँजा प्रतिबन्धको फुकुवाको अभियान चलाइरहेका युवाहरुको एक समूहले प्रदर्शन गरेको हो ।
उनीहरुले गाँजामाथिको प्रतिबन्ध फुकुवा पनि माग गरेका छन् । उनीहरुले गाँजालाई वैधानिकता प्रदान गरी देशको अर्थतन्त्र उकास्न सरकारसँग माग राखेका छन् । प्रदर्शनकारीले ‘गाँजावादी एक हौँ’, ‘देश गाँजा खानेले होइन, नखानेले बिगारेको हो’ लगायतका नारा लेखिएका प्लेकार्ड बोकेका थिए ।
