धनगढीः कैलालीको गोदावरी नगरपालिका–९ खुटिया खोलाबाट प्रहरीले पाँचवटा ट्याक्टर नियन्त्रणमा लिएको छ।
आज विहान गोदावरी नगरपालिका–९ सेहरी र मुरकट्टीस्थित खुटिया खोलाबाट प्रहरीले ट्याक्टर नियन्त्रणमा लिएको हो।
खुटिया खोलाबाट अबैध रुपमा भइरहेको नदीजन्य पदार्थ उत्खननमा प्रयोग भएका ट्याक्टरलाई प्रहरीले नियन्त्रणमा लिएको इलाका प्रहरी कार्यालय मालाखेतीले जनाएको छ ।
प्रहरी टोलीले ढुंगा बालुवा चोरी गरिरहेको अवस्थामा भे १ त ६०२२, सुदूरपश्चिम प्रदेश ०१००२ त ५३१८, से १ त ७४९६, सुदूरपश्चिम प्रदेश ०१००२ त ५७६७ र लु ५ त १३८७ नम्बरको ट्याक्टरको ट्राली समेत नियन्त्रणमा लिएको हो।
