धनगढी : धनगढीमा रहेको एरिष्टो माध्यमिक बिद्यालय नगरभित्रको सर्वोत्कृष्ट विद्यालयबाट पुरस्कृत भएको छ ।
धनगढी उपमहानगरपालिकामा आधारभुत तह कक्षा ८ को वार्षिक परिक्षामा सामुदायिक र संस्थागत बिद्यालयहरुमा सर्वोत्कृष्ट नतिजा ल्याउने एरिष्टो माध्यमिक बिद्यालयलाई धनगढी नगरपालिकाले पुरस्कृत गरेको हो ।
सोमबार धनगढी उपमहानगरपालिकाले नगरभित्र सर्वोत्कृष्ट नतिजा ल्याउने एरिष्टो माध्यमिक बिद्यालयलाई प्रसंशा पत्र र नगद ५० हजारबाट पुरस्कृत गरेको एरिष्टो माध्यमिक बिद्यालयका शिक्षक तेज कापडीले बताए ।
यस्तै उपमहानगर भित्रका सम्पुर्ण सामुदायिक तथा संस्थागत बिद्यालयहरुम बिद्यालय सबै भन्दा उच्च GPA (3.98) ल्याउने एरिष्टो माध्यमिक बिद्यालयकै प्रदिप गिरिलाई प्रसंशा पत्र र नगद पुरस्कार २० हजारले पुरस्कृत गरेको एरिष्टो माध्यमिक बिद्यालयका शिक्षक कापडीले बताए ।
